【精油新手必備！8 款家中必備的精油推薦及產品全攻略！】:STP小教室:

精油嘅香氣同埋種類五花八門，除左一啲最常見嘅花朵香氣精油外，仲有散發香料或者薄荷清涼香氣嘅種類。呢啲香薰精油除左可以為我地舒緩壓力外，其實仲有好多唔同嘅功效！我地為大家列舉左八種 「居家旅行、旅遊傍身嘅必備良藥」，等大家對佢地都有個基本認識啦！

 

第八位 病菌剋星——羅文莎葉香薰精油

羅文莎葉擁有強烈抗病毒和抗感染嘅特性，而且止咳效果極佳。不​過佢最珍貴嘅地方係在於可以強化整體免疫力。歐美有啲醫院直情會係深切治療部入面​用羅文莎葉淨化，以降低病毒所引發呼吸道感染嘅機率；所以係流感同病毒肆虐期間​，大家不妨係屋企用羅文莎葉精油擴香來預防感染，而且羅文莎葉非常溫和，好適合老人同小孩使用。​不過，大家都要注意，純精油如果要直接用係身體上面，記得要稀釋呀！

羅文莎葉精油​功效​
​
‧ 生理療效 | 強效抗病毒與抗感染｜舒緩支氣管炎｜舒緩白日咳祛痰​
‧ 心理療效 | 適合常處於複雜環境及人際關係中｜能從混亂中理清想法​

 

__________________________________________
第七位 護膚天后——玫瑰天竺葵香薰精油

玫瑰天竺葵精油帶有類似玫瑰嘅花香味，所以玫瑰天竺葵有"平版玫瑰精油"嘅稱號。玫瑰天竺葵精油特點係香茅醇的含量較波旁天竺葵多，再加上有類似花香嘅沉香醇同埋玫瑰氧化物，所以玫瑰天竺葵氣味較甜美，護膚效果亦都極佳。由於有鎮靜舒緩、消炎止痛作用，所以非常適合用於油性肌膚同埋暗瘡肌膚。玫瑰天竺葵的氣味宜人，與其他精油調配也非常合適，用於擴香、按摩、浸浴等，用途廣泛。​除此之外仲可以加係護膚品入面使用。
​
​

玫瑰天竺葵精油​功效

‧ 生理療效 | 抗炎｜癒合｜除臭｜驅蚊​
‧ 心理療效 | 抗焦慮沮喪｜舒緩緊張｜令人愉快​

 

__________________________________________
第六位 暗瘡殺手——茶樹香薰精油

茶樹精油殺菌能力極佳，係一種天然嘅抑菌劑。除左廣泛應用於醫療用途上面，仲對於環境清潔好有貢獻，佢能夠抑制空氣中嘅細菌同埋徵菌，而係皮膚上，就可以促進皮膚細胞再生、處理各種開放性傷口，包括燒傷、燙傷、擦傷同切傷，亦可以舒緩蚊蟲叮咬所造成嘅痕癢，而佢最犀利嘅地方係可以用係抑壓暗瘡，由於佢有強勁嘅消炎殺菌功效，所以無論係初起，定爆左嘅暗瘡，只要搽少少上去，就可以好快好番架喇。​
​
茶樹精油​功效​
​
‧ 生理療效 | 廣泛性抗菌(黴菌、真菌、寄生蟲)｜激勵免疫系統​
‧ 心理療效 | 讓人恢復生機｜保持活力​

 

__________________________________________
第五位 醒神好幫手——野地百里香香薰精油

野地百里香精油，體型較一般百里香矮小，主要功效為強力抗感染、抗菌、抗病毒，而且仲可以緩解同預防腸胃道、呼吸道與泌尿系統嘅感染，還可以緩解肌肉關節疼痛等問題； 野地百里香精油氣味令人有動力，可以改善虛弱無力狀態。但由於效果較強，皮膚敏感者同孕婦不宜使用。​
​
野地百里香精油​功效​
​
‧ 生理療效 | 抗黴菌｜提升免疫力｜緩解感染​
‧ 心理療效 | 永不放棄的力量​

 

__________________________________________
第四位 婦幼專用精油——澳洲尤加利香薰精油

澳洲尤加利係尤加利品種入面，生長得比較慢嘅樹種，而正正係因為咁，所以佢吸收嘅營養同埋能量都會比其他尤加利品種多。澳洲尤加利含有較高醛類結構(約8%)，能夠幫助身體提昇免疫力，而家亦有抗菌抗病毒功效。另外，澳洲尤加利亦被稱作婦幼專用油，佢所含嘅成分比較不會刺激黏膜，不具單萜酮成分，氣味亦比較甜美，所以好適合小孩使用，係兒童治療耳鼻喉感染時嘅優先選擇。​
​
澳洲尤加利精油功效​
​
‧ 生理療效：抗病毒｜緩和發炎現象​｜提昇免疫力
‧ 心理療效：提神醒腦｜集中注意力​

 

__________________________________________
第三位 腸胃醫生——甜橙香薰精油

​甜橙跟苦橙功效相近，有鎮定，舒緩功用，尤其對舒緩食慾不振、便秘、消化不良等症狀有特別好嘅功效。甜橙香味可緩和緊張情緒同埋壓力、改善焦慮所引起嘅失眠，橙皮中含大量維他命C，可以預防感冒、對皮膚有美白效果。甜橙精油係非常溫同安全嘅精油，亦適合小朋友使用。​不過有一點要注意，就係橘子類嘅精油，例如檸檬精油、西柚精油、同埋甜橙精油，佢哋都屬於光敏劑，即係話佢哋會增加人體對紫外線嘅敏感性，所以使用之後 24 小時內唔應該暴露喺陽光之中，如果唔係好容易會引起皮膚灼傷或者出現色斑嘅問題架。
​
有機甜橙精油​功效​
​
‧ 生理療效 | 安撫神經/腸胃｜促進循環｜美白​
‧ 心理療效 | 抗鬱｜讓人歡愉自信​

 

__________________________________________
第二位 化瘀止血——義大利永久花香薰精油

​不論在生理或心理療效上的表現，都獲得極高嘅評價。係法國被譽為「芳香療法中嘅超級山金車 (菊科植物) 」，即使長期使用亦相當安全，最大療效係化瘀止痛，對於各類傷口有快速而且顯著嘅療效，能有效化解血塊，激勵淋巴流動，促進細胞再生。不過，要製造一公升義大利永久花精油，需要近一噸嘅花蕊，所以義大利永久花精油極為珍貴。​

義大利永久花精油功效​
​
‧ 生理療效 | 化瘀｜促進細胞再生｜降低過敏｜快速修護傷口​
‧ 心理療效 | 提高精神免疫力｜撫平傷痛​

 

__________________________________________
第一位 萬用精油——真正薰衣草香薰精油

真正薰衣草係野生栽種於高海拔地區，約800尺，生長環境比其他品種薰衣草惡劣，不過薰衣草精油有個特點，生長環境越惡劣，生產出黎精油嘅質素就越高。真正薰衣草係芳香療程同保健中最受歡迎亦係最為重要嘅一種，香味細緻豐富。佢多分子精油，芳香分子多樣且平衡，可同任何精油搭配，被稱為「萬用油」，而且佢可以同其他精油產生協同效應，產生「1+1>2」嘅效果。除左係「萬用油」，佢仲係「萬用精油」，佢可以殺菌、除異味、消炎、止痛、安神亦能提神醒腦；對痤瘡、蚊蟲叮咬，輕度燒傷、曬傷，有鎮定和促進細胞再生功效, 成分多元又溫和而且仲可以長期使用，所以稱佢為「萬用精油」，實在當之無愧！
​
真正薰衣草精油​功效​
​
‧ 生理療效 | 治療傷口｜抗發炎｜止痛｜抗痙攣｜助眠｜鎮靜​
‧ 心理療效 | 安撫｜消除焦慮與抗憂鬱｜被欣賞及接納​