【2021精選】精油推薦功效及用法 :STP 小教室:

【精油新手必看】:STP 小教室:

 

 

【精油推薦功效及用法】

呢度想同大家介紹下一啲入門精油,同埋簡單既精油調配。精油嘅用法大致可以分為四大類,包括:

 

精油種類:

芳香精油
透過氣味同吸入,幫助放鬆心情同舒緩壓力
按摩精油
透過按摩,調理皮膚同埋肌肉
泡浴精油
同時擁有芳香同埋按摩功效
其它精油
加入護膚品同埋沐浴用品,又或者直接用於抗菌淨化

 

芳香精油建議  芳香精油係透過吸嗅方式,將精油中的分子吸入體內,進而幫助放鬆、專注集中等等作用。 芳香精油的擴香方式有好多種,包括水氧機、擴香儀、擴香石、擴香瓶等等,可以根據空間大小同埋擴香濃度黎選擇。

 

【芳香精油】推薦用法:

功效 推薦精油 推薦空間
舒緩放鬆 玫瑰天竺葵、真正薰衣草 客廳、睡房
專注提神 薄荷、迷迭香、澳洲尤加利 辦公室、書房
振奮活力 檸檬、西柚、甜橙 客廳、餐廳

 

按摩精油  按摩精油是以按摩於皮膚嘅方式,透過皮膚黎吸收精油,所以簡單嘅輕按、輕拍都有一定嘅功效,就算唔係專業按摩師都唔洗擔心。

 

【按摩精油】推薦用法:

功效 推薦精油
幫助消化 佛手柑、甜橙、胡椒薄荷
調理頭皮 茶樹、檸檬香茅、廣藿香
肌肉疲勞 迷迭香、杜松漿果、真正薰衣草
臉部護理 羅馬洋甘菊、玫瑰天竺葵

 

【精油稀釋比例】

由於係純精油,所以直接用黎按摩一定要用植物油稀釋。
身體唔同部位,建議使用精油嘅濃度都會唔同。
[建議比例 : 臉部 1% ; 身體 3%  - 5% ]

 

泡浴精油  利用精油來浸浴,除左可以透過蒸氣將精油吸入體內,仲可以透過肌膚直接吸收精油。   如果覺得浸浴太麻煩,泡腳都係一個好選擇。

 

【泡浴精油】推薦用法:

功效 推薦精油
舒緩壓力 乳香、岩蘭草、紅橘、玫瑰草
消除疲勞 絲柏、鼠尾草、迷迭香
冬日暖體 波旁天竺葵、生薑、錫蘭肉桂
幫助睡眠 真正薰衣草、花梨木、羅勒

 

【使用泡澡精油注意事項】
泡澡精油建議每次加入 10 滴精油,浸浴 15 分鐘令精油被充分吸收。不過有幾點要大家注意呢:

飲多啲水
同做運動一樣,浸浴都會因為熱而出汗,所以我地一定要補充水分,浸浴前補充水份會更容易出汗。而浸浴後記得千祈唔好飲凍野,因為身體仲係熱辣辣嘅時候,令身體突然降溫,會好傷身體架。

【訓教前 2 個鐘要搞掂】
如果臨訓前先浸浴,身體雖然好暖好舒服,但係就會因為神經活躍而無法熟睡,所以最理想嘅做法係訓教前 2 個鐘完成浸浴,等身體可以復回番先安心訓教。

【控制好水溫】
水溫太熱或浸太長時間,並唔會提升效果,太熱嘅水溫反而會對身體會造生負擔,所以要控制水溫係 39 - 42 度中間,而且水一定要浸到膀頭。

 

 

其它精油  將精油加入護膚品同埋沐浴用品調和使用,盡量選擇一啲『無添加』嘅護膚品同埋沐浴用品,先唔會同原本的成分重覆,甚至造成衝突。

 

用法 精油
加入洗頭水 茶樹 減輕頭瘡問題
迷迭香 滋潤頭髮
生薑 袪頭風,減輕頭痛
加入護膚品 真正薰衣草 促進皮膚再生
羅馬洋甘菊 抗炎、抗敏

 

 

【精油常見 Q&A】

1. 精油/芳香療程其實係啲咩黎?
所謂嘅芳香療程,其實就係利用從植物萃取出嘅芳香分子「精油」或者「純露」,用吸入,按摩,甚至食用,去調理同埋改善自己嘅身體同埋心靈狀態,最常見包括放鬆解壓、提升專注力、舒緩肌肉、緊實肌膚等等。其實早係公元前 3000 年古埃及時期,已經有記載埃及人以植物製作香膏、香粉同埋香油,應用係醫療、美容甚至製作木乃伊。

2. 精油嘅功效又係點發揮出黎架?
精油其實係由唔同功效嘅『芳香分子』組成嘅濃縮精華,咁每個『芳香分子』就有唔同嘅功效,就好似唔同產地嘅植物,提取出黎嘅精油都有唔同『芳香分子』,咁佢地就會有唔同嘅功效。
以迷迭香做個例子,當迷迭香生長係唔同海拔高度,佢地吸收陽光嘅程度,會直接影響提取出黎嘅『芳香分子』。平原種植嘅迷迭香,可以舒緩呼吸道問題,而高海拔種植嘅迷迭香,就含有樟腦成份,可以舒緩肌肉疲累。

3. 點樣選擇適合自己嘅精油?
市面上有好多精油產品,但係又係咪隻隻都適合自己呢?首先我哋要知道想要乜嘢效果,就係好似我哋想紓緩壓力?護理皮膚?清理頭皮?定係舒緩呼吸道問題?其次就係相信我哋自己嘅嗅覺,當我地使用精油
嘅時候,都一定會聞到佢嘅氣味,所以選擇一隻自己鍾意嘅好緊要。


最好就係揀一隻有信譽嘅品牌, Mességué 嘅產品係 100% 純天然精油,純精油意思即係佢唔會混合其他物質,而天然精油係指植物生長嘅時候冇加任何農藥,咁樣會令佢哋嘅功效更加顯著。由於係純精油,所以好多時都需要幾十公斤嘅植物(有時甚至需要幾噸)先可以生產到1公升嘅精油,所以純精油先會咁珍貴。


4. 乜嘢叫光毒性?
橘子類嘅精油,例如檸檬精油、西柚精油、同埋甜橙精油,佢哋都屬於光敏劑,即係話佢哋會增加人體對紫外線嘅敏感性,所以使用之後 24 小時內唔應該暴露喺陽光之中,如果唔係好容易會引起皮膚灼傷或者出現色斑嘅問題。

 

生活中,做唔完嘅工作,​
不妨停一停,​回到最初嘅生活平衡,
​比自己一個呼吸嘅空間。​

香薰精油系列
#買滿 $800 9折
#買滿 $1400 8折
#買滿 $300 免費送貨

-

 

《STP精油小教室》​
:多的是,你不知道的事:​
:不定期更新,不過一定會更新:​