【皮膚投資決略 (一)】 :瑣碎日事:

【皮膚投資決略 (一) 】:瑣碎日事:

「好好投資在你的皮膚上，因為它將會代表你一生。」

肯洗錢，都唔一定洗得啱。

以為明星代言就一定好? 點知揀錯化妝品，刺激皮膚，仲引發皮膚癌。你幾年後發現皮膚漸黃、多眼紋、多色斑… 最後都係決定洗一大筆錢做激光去斑，何必呢? 作為一名 90 後、唔想洗錢打botox、但都想靚靚嘅小編，今日決定要教授大家點樣「投—資—皮—膚」! (冇錢都有樣嘛)

1)【分散投資勿依賴化妝】

與其用化妝品遮蓋你嘅瑕疵，有冇諗過直接清走瑕疵呢? 除咗不停敷 mask外，你亦可以喺做運動方面著手，喺運動後30分鐘內係皮膚吸收保養品嘅最佳時間，所以運動後休息20分鐘，用溫水和溫和嘅面霜清潔皮膚，毛孔擴張有助於徹底洗掉骯髒嘅東西，再用清水洗一次可緊緻肌膚，最後輕輕搽返適合自己又清爽嘅護膚品就可以 ; 或者從飲食著手，食少啲煎炸、牛、鵝類食品，都有效改善皮膚質素架。

2)【長線投資目光放遠】

如果下定決心想養好皮膚，千萬唔好信「即時」呢兩個字，要明白到皮膚都需要時間適應改變。例如好多即時保濕面霜都含有矽、苯甲酸酯及化學油等有害物質，會阻塞毛孔，造成暗瘡，雖然做到「暫時」保濕，但並不能夠滋潤皮膚，而且有害物質會殘留喺你臉上，開始氧化，長久落去會十分傷害皮膚。真正有營養嘅護膚品起碼需要 8 – 12 星期先會見效。現今市場已經有好多標明「抗氧化」嘅彩妝護膚品供大家選擇，大家可以多加留意啊。

3)【從小開始回報率越高】

培養護膚習慣，當然要從小開始，因為當皮膚變成熟時，新陳代謝會變慢，用任何保養方法都會較難有進展。而且越早養好皮膚，化妝都只要需薄薄一層，皮膚又相對地吸收少咗化學物質，雙嬴局面。而且落妝後化學物質仍會殘留喺你皮膚上，不妨試吓「肌斷食」，每星期搵一日素顏，俾皮膚休息一下，臨訓前用清水洗面，再用天然、植物或有機面霜簡單地保濕就可以 ; 另除咗長時間猛烈暴曬，我地其實唔需要日日搽防曬架，因為防曬會侵入皮膚表面，增加致癌機會，或者盡量用物理性防曬，佢能阻擋UV之餘，亦唔會侵害你肌膚架。

4)【涉及風險資詢專家意見】

大家一見到A酸可以治療色斑、撫平凹凸不平毛孔，就衝去買一打返屋企搽，賣家、網上或坊間有不同說法，始終係藥性啫喱，亂試實在太高風險喇，我強烈建議大家使用藥性高嘅保養品前，要問清楚用量同使用方法，唔好胡亂投資，買錯野啊。

(呢番說話係捉實你雙手，衷心咁同你說的)

趁後生，趁塊面仲有啲彈性，要好好投資喺你嘅皮膚度，唔好再用啲化學有害物質喇囡。謹記，花喺有品質護膚品上嘅錢係唔會浪費掉，終有一天你就會喺你塊臉度「見」到回報。 STP mineral therapy至今已為香港服務逾 10 年，一直引入天然、有機、品質保證以及環保嘅彩妝護膚品，更為多間皮膚醫學中心及美容院提供健康安全產品，如果你由今日起想踏出「投資皮膚」嘅第一步，無論係化妝打底，去到洗面爽膚面霜，STP絕對係你嘅天然投資首選!