【熱水浴陰謀論】 :瑣碎日事:


【熱水涼陰謀論】​:瑣碎日事:


怕凍嘅香港人,呢幾個星期沖熱水涼成癮… 究竟背後藏住乜野秘密? 明明5分鐘就可以沖完,但係點解死都要30分鐘先出到嚟?​

現代東方概念哲學家曾言: 「剩餘嘅25分鐘,就係用嚟思考人生。思考一下今日開會時有冇講錯野、自己交咗電話費未、呢個星期嘅人生大計係乜野。思思考考,考考思思…… 點解我越沖越痕嘅? 再落多次番梘先。都仲係好痕,等我再較熱啲個水溫,洗走啲污糟野。(抓抓抓)」​




(陰深音樂 please) 誰不知…呢位哲學家越沖個身體就越痕,簡直去到控制唔到嘅程度! 佢將水溫越較越高,最後佢喺抓狂之間,喺浴室焗死咗…從此,呢隻怨靈就會喺人類沖涼嘅時候,不斷將水溫較高,令我地嘅身體痕癢去折磨我地! ​

《點解沖完熱水涼會咁痕?》​


長時間沖熱水涼,熱水會洗走保護你身上嘅油脂,沖10分鐘或以上的話,你全身嘅油脂就會被洗走,令你皮膚十分乾燥同痕癢。乾性或敏感皮膚嘅人要注意秋冬時分亦不能夠過度洗頭,頭部油脂會被洗走! 水溫最好維持喺37至38℃、微微暖、 5-10 分鐘就足夠,防止引起皺紋。​

《熱水涼 VS 凍水涼》​​




回暖時不如壯壯膽,嘗試沖凍水涼? 講真的,根據醫學研究顯示,凍水涼可以刺激安多酚、多巴胺及血清素、減少尿酸、增強免疫系統、促進緊緻皮膚以及減少掉髮等等,所以好多游冬泳嘅伯伯同婆婆身體都好壯健,我地呢啲未到中年 (i.e. 60歲) 嘅「青年人」分分鐘比佢地潺。之但係,適當咁沖熱水都有好處架,可以鬆弛肌肉、舒緩疲勞及頭疼、減壓、擴張和清潔毛孔等等。二揀一? 我揀唔到! (喊) 根據種種資料分析後,STP Mineral有兩大護膚建議:​

1) 【熱與冷水浴交替*】有醫學實驗指出,熱冷水浴交替可以增強免疫力。佢地針對3000名18到65歲嘅成年人進行研究,佢地被要求每朝沖熱水涼後再沖凍水約90秒,結果接下來幾個月內,呢班成年人嘅請病假次數直線下降。由於熱水令血管擴張 ; 冷水幫助血管收縮,兩者交替有助加快血液流動,促進血液循環,從而令毒素從肌肉排出,仲可以達到排毒效果,令皮膚水潤透亮。**​

2) 【洗澡後敷面膜】無論你係乾性敏感或油性泛紅嘅人士,沖涼後你嘅毛孔得以擴張! 呢個時候! 即刻幫 #乾到裂 嘅面敷上一塊滋潤保濕面膜,舒緩疲勞肌膚,滋潤效果更顯著。最佳效果為每隔3日敷 1 次,每次敷10-15分鐘,敷太耐會好容易刺激敏感皮膚,隨時引發皮膚炎。​

 



呢個星期稍為回暖一啲,不妨試吓熱冷水浴交替,貪靚還貪靚,都要注意身體健康啊,如果唔係… #熱水涼怨靈 就嚟搵你架喇! ​

*注意水溫唔好相差逾20℃,例如冷水為10-20℃,熱水為40-50℃。​
**年長者、高血壓患者、中風患者、體弱者有可能不適合呢套沐浴方式啊。​

天然 (品質認證) 面膜系列

-

《瑣碎日事》​
:生活上零碎細小但重要的事:​
:不定期更新,不過一定會更新:​